ГУСЬ, ЗАПЕЧАНАЯ З ЯБЛЫКАМІ ДЫ БЕЛ-ЧЫРВОНА-БЕЛЫЯ КЛЁЦКІ

коўшык 67

ШЫКОЎНАЯ СТРАВА НА ДЗЕНЬ ВОЛІ



Сябры, заўтра запрашаем знаёмых на шыкоўную вячэру з нагоды Дня Волі. Няхай усе будуць пад уражаннем.










патрэбна:
гусь
маяран
перац
соль
5-6 вялікі яблыкаў

на клёцкі:
5-6 бульбінаў
каля 100 гр. крухмалу
яйка
соль
палова гатаванага бурака

Гуску (ці качку) нацерла маяранам, перцам і соллю. Запіхала кавалкі яблыкаў у сярэдзіну гускі. Дадаткова абклала яблыкамі і пякла ў фользе доўга. Спачатку 30 хв. у тэмпературы 180 градусаў, потым каля двух гадзін (з разліку гадзіна на кіля птушкі) у тэмпературы 120 градусаў. Час ад часу палівала вытапленым тлушчам. На апошнія 15 хв. тэмпературу падкруціла да 180 і зняла фольгу з верху, каб атрымалася хрусткая і залатая скарыначка.

Бульбу пачысціла, зварыла, пакачала пакуль астыне. Растаўкла на пюрэ, дадала яйка, соль і крухмал. Замясіла. Цеста павінна быць эластычнае, калі занадта ліпкае, то трэба дадаць яшчэ крухмалу. Дзелім на палову. У адну частку дадаем палову старкаванага гатаванага бурака і добра замешваем, калі цеста вельмі клеіцца да рук, то яшчэ дадамо крухмалу. З цеста катаем тонкія каўбаскі і наразаем невялікімі кавалкамі як на лянівыя варэнікі. Гатуем у падсоленай вадзе 2-3 хвіліны. Потым прамываем халоднай вадой, каб не склеіліся. Перад паданнем на стол падсмажым на масле.


Гуску я падала з буракамі з хрэнам, чырвонай капустай, соусам з журавіны ды бела-чырвона-белымі бульбянымі клёцкамі. Было смачна! Спадзяюся будзе смачна і вам!







Popular Posts