ЗДАРОВЫЯ КАТЛЕТЫ З ГРЭЧКІ І ТВАРАГУ


коўшык 64
ГРЭЧКА – ІНДЫКАТАР КРЫЗІСУ


 





















Пра стратэгічнасць грэчкі кажа і той факт, што летась з усіх прадуктаў найбольш падаражэлі мяса, гарэлка і... грэчка. Акрамя іміджу «нацыянальнага прадукту» і лёгкасці захоўвання, сацыяльнай значнасці грэчцы дадае і багатая прысутнасць крупы ў дзяржаўных замовах: на забеспячэнне харчавання школаў, дзіцячых садкоў, больніцаў і войска. Яшчэ ў савецкія часы грэчка 2 разы на тыдзень была абавязковым пунктам у рацыёне жаўнераў Чырвонай Арміі. Часта так і засталося.Грачаная каша лічыцца самаю здаровай і чэмпіёнкаю ва ўтрыманні жалеза. А таму і прыгатуем з яе нешта здаровае і незвычайнае!



патрэбна:
2 шклянкі грэчкі
200 гр. тварагу
цыбуля
2 яйкі
куркума
чорны перац
соль
алей

Варым 2 шклянкі грэчкі (або выкарыстаем з учорашняга абеду). Гатовую і астылую кашу дзелім прыкладна напалову. Адну частку мелем у блэндары. Кроім цыбулю і падсмажваем на алеі да залацістага колеру. Цяпер усё разам мяшаем – усю грэчку, тварог, падсмажаную цыбульку і яйкі. Крыху солім, дадаем перац і дробку куркумы для колеру. Цяпер фармуем катлеткі. Духоўку разагрэем на 170 градусаў, бляху трэба заслаць пергамінам, выкладаем нашыя катлеты. Запякаем 15-20 хвілінаў. Я падаю здаровыя катлеткі з ёгуртава-часныковым ці грыбным соусам. Смачна есці!





Popular Posts