ВЯЛІКІ ДРАЖДЖАВЫ ПІРОГ

коўшык 81

САМЫ ПРОСТЫ І ГЕНІЯЛЬНЫ РЭЦЭПТ

 Такі пірог я пакаштавала ў гасцях і адразу запытала пра рэцэпт, які, на дзіва, аказаўся неверагодна простым. Не хвалюйцеся, што гэта дрожджы! Нават калі вы раней не рабілі дражджавыя пірагі, у вас атрымаецца. Сама прабавала некалькі разоў – пячэцца ідэальна, толькі падрыхтуйце вялікую бляшку. Пячэм вялікі пірог для вялікай сям’і!

патрэбна:

4 шклянкі мукі

2 яйкі

30 гр. свежых дрожджаў

шклянка малака

200 гр. маргарыну ці вяршковага масла

паўшклянкі цукру

вашая ўлюбёная садавіна (слівы, трускаўкі, маліны, парэчкі)

на крышанку:

1/2 шклянкі мукі

1/4 шклянкі цукру

1/6 пачка маргарыну ці масла

ванільны цукар

У цёплае малако дадаем дрожджы і лыжачку цукру, мяшаем і пакідаем хвілін на 10, каб пачало бузаваць і расці. Цяпер усе вельмі проста. З усіх складнікаў замешваем цеста, дадаем дрожджы. Вазьміце вялікую бляшку, бо пірог падрасце прынамсі ў тры разы. Пашмаруйце маслам і пасыпце мукою. Вылажыце цеста, на верх кавалачкі садавіны. Я ўзяла рэвень. Няхай пару хвілін пастаіць у цёплым месцы, пакуль мы зробім крышанку.

У місцы змяшаем 1/2 шклянкі мукі, 1/4 шклянкі цукру, 1/6 пачка маргарыну ці масла, крыху ванільнага цукру і ўсе расціраем рукамі. Атрымаюцца салодкія крышкі, якімі шчодра пасыпаем наш пірог.

Пячэм у тэмпературы каля 170 градусаў прыкладна гадзіну. Але, канешне, трэба сачыць і паспрабаваць запалкай, ці прапёкся. На маю думку, гэты выдатны пірог для вялікага сямейнага піцця гарбаты. Проста смачна есці!