АМЕРЫКАНСКАЕ ПЕЧЫВА З M&M'S

коўшык 83
САЛОДКАЯ МАРА
Вы ніколі не задумваліся, што гэта за печыва, якое мы бачым амаль ва ўсіх амерыканскіх фільмах і серыялах? Вядомае ва ўсіх Штатах, на смак яно яшчэ лепшае, чым выглядае.

Шакаладнае печыва (так іх называюць у ЗША) зрабіла ў першыню ў 30-ыя гады амерыканскіх дыетолаг, кухарка і пісьменніца Рут Грэйус Ўэйкфілд. Як гэта часта бывае з вялікімі адкрыццямі, шакаладнае печыва ўзнікла выпадкова, але прынесла сваёй стваральніцы славу і прызнанне. Калі Рут пякла печыва і ёй не хапіла аднаго складніка, яна замяніла іх шакаладнымі дробкамі (chocolate chips), і гэта стала галоўным распазнавальным знакам амерыканскага шакаладнага печыва. Рэцэпт апублікавала бостанская прэса, Рут выпусціла кулінарную кнігу, а яе фірма падпісала дамову з «Нэстле».

У традыцыйным рэцэпце выкарыстоўваюцца толькі некалькі інгрэдыентаў: мука, цукар, карычневы цукар, яйкі, сода, масла або сала, соль, ваніль і шакаладныя частачкі. На працягу шматлікіх гадоў рэцэпт развіваўся, і цяпер амерыканцы перарабляюць яго па ўласных густах. Ёсць версіі печыва з арахісавым маслам, какаваю, какосам, арахісам і нават з М & M’s. Апошнюю версію, улюбёную для ўсіх маленькіх і дарослых дзяцей, мы акурат сёння зробім.

патрэбна:
шклянка пшанічнай мукі
шклянка кукурузнай мукі
2 яйкі
палова пачка маргарыну ці масла
2 сталовыя лыжкі вады
палова шклянкі цукру
дробка солі
лыжачка парашку для выпечкі
пачак шакаладных М & M’s

Усе складнікі акрамя М & M’s насыпце ў міску і замясіце пластычную масу падобную для пластыліну. Цеста на 15 хвілін пакідаем у маразільніку. Потым з яго фармуем невялікія шарыкі, выкладваем на бляшку і прыплюскваем рукой. Рашуча ўціскваем М & M’sы і стараемся не пад’ядаць. Пячэм пры тэмпературы 180 градусаў каля 15 хвілін да залацістага колеру.





Popular Posts