ДРАЖДЖАВЫЯ СЛІМАКІ З ЦУКРАМ

коўшык 79
УЛЮБЁНЫЯ БУЛАЧКІ МАЙГО ТАТЫ


Гэта лепшыя булачкі на свеце! Пах ідзе па ўсім доме... а яны мяккія і пухнатыя, як з французскай пякарні. Акрамя таго, іх надзвычай лёгка прыгатаваць, а таму рэкамендую ўсім аматарам лянівых смакотак на выходных....

патрэбна:
100 гр. цукру
плоская лыжачка солі
вялікае яйка
70 гр. мяккага сметанковага масла
500 гр. мукі
10 гр. сухіх дажджоў або 20 гр. свежых
270 мл. цёплага малака

для скруткі:
50 гр. масла
цукар

Калі дрожджы свежыя, то робім росчын – 100 мл. цёплага малака, лыжка цукру, лыжка мукі, мяшаем і чакаем 15 хвілінаў. Калі дрожджы сухія, то іх проста дадаем да іншых інгрэдыентаў.
У міску прасеем муку, каб булачкі былі пухнатымі і далікатнымі. Дадаем пакрысе яйка, малако, масла і мяшаем. Потым рэшту складнікаў. Усё месім да аднароднай, гладкай і пругкай масы. Калі цеста занадта ліпкае, вы можаце падсыпаць трохі мукі. Цяпер пакідаем міску пад ручнічком на 2 гадзіны ў цёплым месцы. Цеста павінна вырасці ўдвая.

Раскатваем памерам прыкладна 30х40. Паліваем растопленым маслам і пасыпаем цукрам, скручваем у рулон і кроім у слімакі 2-3 см. Выкладваем нашыя булачкі на бляху і пакідаем яшчэ на паўгадзіны, каб падраслі. Шмаруем малаком і пячэм у папярэдне разагрэтай духоўцы пры 180 градусах 20-25 хвілін.


Я рабіла іх досыць позна ўвечары, але і так з'елі ўсе!

Смачна есці!



Comments

Post a Comment

Popular Posts