СУП-ПЮРЭ З КУКУРУЗЫ


коўшык 26
КАВАЛАК СОНЦА Ў ТАЛЕРЦЫ



Кукурузны суп паходзіць з Амерыкі. Я ж стварыла ўласную версію: нятлустая, але сытная страва, якая добра сагравае ў зімовыя дні. Мне асабліва даспадобы пастэльны жоўты колер і спалучэнне гарачага крэмавага супу з хрусткімі сырнымі чыпсамі. Усе дзеткі ядуць ахвотна, а сын называе суп сонечным.

патрэбна:
бляшанка кукурузы
1 сярэдняя бульбіна
2 зубкі часныку
чабор
200 г смятаны, як найменш тлустай, або ёгурт натуральны
вострая папрыка
соль
50 г сыра
кукурузныя чыпсы

Бульбу абярэм і парэжам кубікамі. 5 хвілінаў паварым у падсоленай вадзе і ўкінем кукурузу. Гатуем яшчэ максімальна 10 хв. Як крыху астыне, зміксуем блэндарам і дадамо смятану (ці ёгурт). Абавязкова прыправім соллю, вострай папрыкай і чаборам. Кукурузныя чыпсы падагрэем на патэльні і пасыплем старкаваным сырам. Падаем суп з чыпсамі і добрым настроем! Смачна есці!







Popular Posts