АКСАМІТНЫ ХАЛАДНІК З АВАКАДА І БАЗІЛІКАМ

коўшык 13


Апошнія спякотныя дні зноў мяне натхнілі на халаднік. Гэтым разам зусім іншай структуры. Аксамітны, пяшчотны, далікатны – такім мог бы быць мужчына. Так! Ад ежы трэба атрымоўваць задавальненне! Калі б у жыцці ўсё было гэтак проста...

патрэбна:

паўлітра кефіру
паўлітра натуральнага ёгурту
4 невялікія гуркі
1–2 авакада
1 зубок часныка
жменя лісткоў базіліку
сок паловы цытрыны
соль
перац

Гуркі і авакада пачысцім ад скуркі ды пакроім на невялікія кавалкі. Памер і форма значэння не маюць. У місцы з дапамогаю блендара зміксуем гуркі, авакада і часнык. Дадамо базілік. Калі маса будзе без кавалачкаў, выціснем сок з паловы цытрыны. Забелім ёгуртам і кефірам. І яшчэ трошкі ўзаб’ем. Важна, каб кансістэнцыя халадніку была вельмі гладкай. Пасолім, паперчым. 



Упрыгожым тоненькімі кружочкамі гуркоў і лісткамі базіліку. Падамо на стол з багетам. Смачна есці!



Comments

Popular Posts