БЕЛЫ ХАЛАДНІК

коўшык 11

На двары спякота, у талерцы прахалода

Вада, марозіва, зялёная гарбата. З імі перанесці спёку прасцей. Але часам хочацца нешта пад'есці. Вялікага рондлю з халадніком можа хапіць на некалькі дзён.  І з кожным днём ён будзе смачнейшым...

патрэбна:

1 літр кефіру

0,5 літра натуральнага ёгурту ці біфітату

5 лыжак смятаны

палова цыбулі

3-4 гуркі

4 гатаваныя яйкі

крыху зяленай цыбулькі і кропу

соль

перац

Пашукайце дастаткова вялікі рондаль, але праверце, каб змясціўся ў лядоўню. Вось туды і наліць кефір, біфітат ці ёгурт і смятану. Гэта база халадніка. Кроім на невялікія кавалачкі цыбулю, гуркі і яйкі. Усё гэтае багацце смакаў і вітамін дадаем у рондаль. Прыправім соллю і перцам як каму да смаку. Фінальны аккорд зяленая цыбулька і кроп -  канешне дробна пасекчы. Добра перамяшаць і пакінуць у лядоўні прынамсі на некалькі гадзін. Падаваць са смажанай ці гатаванай бульбай! Смачна есці!