ШЫКОЎНЫЯ ГАРБУЗОВЫЯ АЛАДКІ СА СЛІВАМІ

коўшык 103

СНЯДАНАК НА ЗАЙЗДРАСЦЬ УСІМ

Гэта быў той рэдкі выпадак, калі я не паўстрымалася і запосціла фотку без рэцэпта...

Дзень, які пачаўся з гарбузовых аладкаў у амерыканскім стылі быў проста чароўны! 

Не верыце? Паспрабуйце самі)

патрэбна:

1 кубак пюрэ з гарбуза

(як зрабіць глядзіце тут http://1000i1koushyk.blogspot.com/2016/10/blog-post.html)

1 яйка

¾ шклянкі кефіру

3 лыжкі масла ці алею (я ўжыла какосавы алей)

¾ шклянкі мукі

1 лыжачка цукру

¼ лыжачкі солі

¾ лыжачкі парашку для выпечкі

некалькі сліў

2 лыжкі мёду

Гарбуз змяшаем з яйкам, маслам і кефірам. Дадамо муку, разрыхляльнік, соль і цукар. Добра размяшаем. Смажым бліны на сухой тэфлонавай патэльні на слабым агні да залацістага колеру з абодвух бакоў. На разагрэтую патэльню дадаем 2 лыжкі мёду, крыху чакаем і ўсыпаем паловы слівак, так смажым (а дакладней карамелізуем хвілін 5). Калі мёд выпаруе, то можна яшчэ крыху дадаць. Слівы павінны стаць мяккімі, а мёд карамельным. Смачных сняданкаў!