ВАРЭНІКІ З ГРЭЧКАЙ

коўшык 91
ДЫ МОЙ ЛЮБІМЫ РЭЦЭПТ НА ЦЕСТА



Учора мае госці здзівіліся - варэнікі з грэчкай? Гэта як варэнікі з макаронамі). Я заінтрыгавала, а канчатковы вынік для іх стаў смакавай неспадзяванкай. Для мяне гэты выключна ўдалае спалучэнне смакаў, якія на першы погляд зусім да сябе не пасуюць. А што яшчэ? Лавіце рэцэпт на маё любімае цеста на варэнікі. А вы з чым іх любіце?

патрэбна:
3 шклянкі (1 шклянка = 250 мл) мукі
1 шклянка вельмі гарачай вады (не кіпеню)
3/4 лыжачкі солі
1 лыжка алею

Усе інгрэдыенты ў місцы перамяшаць рукамі ці робатам (каля 2 хвілінаў на павольнай хуткасці). Цеста раскатаць тонка - каля 2 мм. Памятай, каб падсыпаць мукой пад цестам. Выразаць з цеста кругі, палажыць начынне і зашчыпаць.

Начынне:
100 грамаў грэчкі
50 грамаў сыра фэта
1 невялікая цыбуля

Грэчку гатуем. Цыбульку дробна кроім і падсмажым на алеі. Калі каша крыху астыне дадаем пакрышаны сыр і цыбулю. Начынне гатовае.

Варэнікі гатуем каля 5 хв. Я люблю al dente)

Падаем з песта з базілікам для аматараў вышуканых смакаў ці са смятанай для кансерватараў. Смачных вам варэнікаў!








Popular Posts