РУЖОВЫ. З БУРАКАМІ. СЕЛЯДЗЕЦ.

коўшык 55
5 ПРЫЧЫНАЎ ЕСЦІ СЕЛЯДЗЕЦ


Яны не толькі здаровыя, але смачныя, і вы можаце прыгатаваць іх па-рознаму! Важна, замарынаваць селядзец прынамсі за 3 дні да святаў.

1. Ён мае добры тлушч
Селядзец багаты на амега-3, якія пашыраюць крывяносныя судзіны, рэгулююць ціск, зніжаюць узровень халестэрыну і павышаюць імунітэт.

2. Ён багаты на мікраэлементы
Мяса селядца ўтрымлівае мноства мінералаў – жалеза, цынку, медзі, фосфару і ёду, якія патрэбныя нашаму арганізму для здаровага функцыянавання.

3 Дапамагае пры атэрасклерозе
Замест таблетак – абсалютна натуральны селядзец з вітамінамі А, Е, D.Селядзец – таксама багатая крыніца вітамінаў вітамінаў В6, В12, жалеза, цынку, медзі, фосфару і ёду. У 100 грамах селядца вітаміну D у восем разоў больш чым шклянцы малака.

4. Лепей думаецца
Ён дзейнічае як антыдэпрэсант. Ужыванне селядца наўпрост звязанае, як цвердзяць навукоўцы, з паляпшэннем настрою, павышэннем узроўню сератаніну, паляпшэннем памяці і канцэнтрацыі.

5. Ён абсалютна дыетычны
Селядзец з'яўляецца багатай крыніцай карыснага і добра пераварымага пратэіну.

патрэбна:
філе селядца
1 бурак
цыбуля
чорны перац – гарошак
кмен

Бурак зварым ці запячэм. Абярэм і нарэжам чвэрцямі.

Філе кроім на кавалачкі. Кроім таксама цыбульку паўкольцамі. Пачынаем закладку – слой цыбулі, потым селядзец, крыху кмена і перца-гарошка, потым бурак і яшчэ раз. І так пакуль не скончыцца селядзец ці слоік. Заліваем алеем слоік і адстаўляем у халоднае месца на некалькі дзён. Шчодры бурак аддасць свой колер і селядзец стане ружовым. Смачных вам Калядаў!





Popular Posts