КЕКСЫ З ШАКАЛАДАМ

коўшык 41
МАЛЕНЬКІЯ ДЗІЦЯЧЫЯ РАДАСЦІ



Сын закамандаваў і зрабіў амаль сам. Меліся быць абавязкова з шакаладам. Я б зрабіла з чарніцамі і малінамі. Але сёння гаспадарыў мой маленькі мужчына. Выкідайце ўсялякія Барні” ды клічце малых на кухню. Самаката, добрая забава і крыху прыборкі гарантаваныя!

Патрэбна:

300 г мукі
100 г цукру (можна менш)
1,5 лыжачкі парашку для выпечкі
дробка солі
ванільны цукар
200 мл кефіру
2 яйкі
100 мл алею
100 г горкага шакаладу


У адной місцы злучым усе сухія рэчывы, а менавіта муку, цукар, разрыхляльнік, ванільны цукар, соль. У другой – вадкія: кефір, яйкі ды алей, энергічна разбоўтаем лыжкаю (не міксерам). Кефірную масу выліем у сухія інгрэдыенты, усё перамяшаем – таксама лыжкаю. Цеста мае быць з невялікімі камякамі, таму асабліва не трэба старацца. Шакалад пакроім на невялікія кавалачкі і яшчэ раз усё перамяшаем. Я выкарыстала сіліконавую форму, якую шмараваць не трэба. Выпякаць будзем каля 15 хвілінаў пры 200 °С. Налівайце малако ў шклянку! Смачнага падвячорка!





Popular Posts