ІМБІРНЫЯ ЧАЛАВЕЧКІ

коўшык 110

НАЙЛЕПШАЕ ЗІМОВАЕ ПЕЧЫВА НА СВЕЦЕ

Падарыла я сяброўцы з дачкой формачкі. А яна кажа: «А рэцэпт дзе?». Цяпер дзявацца няма куды. Рэцэпт правераны, складнікаў не так шмат, а самае галоўнае, колькі радасці. Праверана на сыне!

патрэбна:

50 гр. цукру

165 гр. мёду

3 лыжачкі прыправаў для пернікаў

1 лыжачка соды

125 гр. масла 

1 яйка

525 гр. мукі

На вадзяной лазні растопім цукар, мёд і прыправы. Потым дадамо лыжачку соды і масла. Калі ўсе складнікі стануць вадкімі, здымем з лазні, дадамо яйка і муку ды добра перамяшаць. Калі цеста за надта рэдкае, можна яшчэ дадаць мукі і дакладна вымесіць рукамі. Цеста павінна быць падобнае на пластылін. Раскатваем тоненька і выразаем формачкамі печыва. Выпякаем пры тэмпературы 180 ° 7-12 мін. Смачнай забавы!