ТАРТА ДЭ САНТʼЯГА, ВАРТАЯ ГРАХУ

коўшык 115

РАСПЕШЧВАЦЬ ЯШЧЭ БОЛЕЙ

Тарту дэ Сантʼяга я пакаштавала ў Гішпаніі гадоў такі таму... Памятаю, што здзівіла мяне яе вільготнасць, аксамітнасць і далікатнасць. Ужо пазней даведалася, што яе сакрэт у мігдалавай муцэ.

Агулам арыгінальны рэцэпт, ахоўваецца сертыфікатам паходжання IGP (Indicación Geografica Protegida). Згодна з якім патрэбны адпаведны сорт міндаля (Mallorca, Mollar, Marcona, Comuna, Largueta, Planeta). Важная колькасць арэхаў у масе цеста (мінімум 33%), утрыманне цукру (33%) і яек (па меншай меры 25%). У традыцыйным рэцэпце забараняецца выкарыстанне пшанічнай мукі. Цікава, што рэцэпт падобнага пірага існаваў ужо ў сярэднявеччы пад назвай «Bizcocho дэ Almendra». З Галіцыяй і Сантʼяга-дэ-Кампастэла тарту пачалі атаесамляць у 1577 годзе і называлі тады «torta real». Характэрны для крыж паломнікаў зʼявіўся на тарце ў 1924 годзе.

Фота: gourmettraveller.com.au

Рэцэпт, які я вам прапаную, не адпавядае строгім патрабаванням іспанскага міністэрства, але ў смаку нічым не горшы і зрабіць яго вельмі лёгка з прадуктаў, што ёсць у беларускіх крамах.

патрэбна:

3 яйкі

100 гр. цукру

1 памаранча

1/2 лыжачкі карыцы

150 гр. мігдалаў

Форму дыяметрам каля 23 см нашмараваць масла і пасыпаць мукой. Разагрэць духоўку да 150 градусаў. Яйкі ўзбіць з цукрам, старкаванай скуркай з паловы памаранчы (памаранчу папярэдне добра памыць і абліць кіпнем) і карыцай да аднастайнай масы. Міндаль дакладна мелім у блэндары. Мігдалавую муку дадаем у цеста і акуратна змешваем лыжкай. Цеста выліваем у форму і пячэм 35 – 40 хвілін. Падаем з цукровай пудрай ці з марозівам. Смачных вам святаў кожны дзень!