ВЕСНАВАЯ САЛАТА СА СПАРЖАЙ І РАДЫСКАЙ

коўшык 74

ЗЯЛЁНЫЯ РАДАСЦІ ТРАЎНЯ

Спаржа найлепей смакуе гатаваная ў вадзе (5 хв.) ці на пары (3 хв.). Можна падаваць і без дадаткаў, тады сцёблы сакавітыя і хрусткія. Можа падаць з растопленым маслам ці аліўкавым алеем ды скрапіць сокам з цытрыны. У такой форме – гэта найлепшы афрадызіяк. Яе таксама можна смажыць і пячы ў духоўцы. Пры сваім багатым смаку спаржа мае проста смешную колькасць калорый – 18 у 100 гр. А таму не перагружайце яе тлустымі соусамі.

патрэбна:

1 курыная пелька

некалькі лістоў салаты

4-5 сцёблаў зялёнай спражы

3-4 радыскі

сезам

аліўкавы алей

мёд

сок з цытрыны

Курыную пельку марынуем у 2 лыжках соку з цытрыны, 3 лыжках алею, солі, старкаванай скуркай з цытрыны прынамсі хвілін 15. Смажым да залацістага колеру.

Спаржу мыем і чысцім, ламаем валакністыя канцы. Гатуем 5 хвілінаў. Лісты салаты рвем на кавалкі. Кроім тонкімі лустачкамі радыску.

У невялікім слоіку змешваем 5 лыжак аліўкавага алею, 2 лыжкі соку з цытрыны і 2 лыжкаю мёду. Закручваем і добра трасем, каб соус дакладна перамяшаўся.

Выкладваем на талерку спачатку салату, потым спаржу, кавалкі куры, радыску, паліваем соусам і пасыпаем сезамам. Смачна есці!