УЗВАР З РЭВЕНЮ З МЯТАЙ

коўшык 73

СМАК ДЗЯЦІНСТВА

Гісторыя сапраўдная. Алесь Бяляцкі купіў рэвень думаючы, што гэта нейкі новы від бурака.

Але усёведаючы Facebook падказаў яму – гэта рэвень, які кітайцы называлі першым яблыкам. Проста там, усе вітаміны як у яблыках. Рабарбар трапіў да нас ажно з самага Кітая (як і многае іншае, зрэшты), доўгі час каштаваў даражэй шафрану. У Масковіі пры Пятры I наагул існавала дзяржаўная манаполія на гандаль рабарбарам. Здзіўленыя? Яшчэ адзін факт. Рабарбар – гэта гародніна. Багатая крыніца вітамінаў А, З, Е і калія. Ён мае ўсяго 20 калорый на 100 грамаў – і багата клятчаткі, таму ён добры аматарам здаровай ежы. Рабарбар багаты шчаўевай кіслатой і яго не павінны з’есці тыя, хто пакутуе ад нырак і рэўматызму.

У дзяцінстве мы з братам наварочвалі яго проста з цукрам. Цяпер я раблю з яго ўзвары, сочыва, пірагі, ну і далей тое, што выдумае мая кулінарная фантазія.

патрэбна:

500 гр. рабарбару

2 літры вады

каля 8 лыжак цукру (можна больш ці менш)

2 лыжачкі ванільнага цукру

пок з паловы цытрыны

некалькі лісткоў свежай ці сушанай мяты

Мыем рабарбар, адкроім канцы і нарэжам кавалачкамі 1-2 см. Цукар насыпаем у рондаль, пачакаем 2-3 хвіліны пакуль пачне карамелізавацца (растопіцца і стане карычневым). Цяпер дадамо рабарбар і падсмажым рабарбар некалькі хвілін. Цяпер заліем вадой і гатуем яшчэ хвіліны тры. Напрыканцы дадаем цытрынавы сок і мяту. Пачакаем пакуль крыху астыне і піем. У гарачыя дні цудоўна смакуе ахалоджаны ў лядоўні з кубікамі лёду.