САМ БУРАК!

коўшык 31

АКСАМІТНЫ СУП З БУРАЧКОЎ

Не халаднік і не боршч. Усё нашмат прасцей і вытанчаней...

А «сам бурак!» – гэта найкруцейшы камплемент :)

патрэбна:

3 вялікія буракі

1 яблык

1 цыбуліна

2 зубкі часныку

крыху свежага імберцу

ёгурт ці сыр з казінага малака

соль

Цыбульку, часнык і імберац пасячэм дробненька і падсмажым у рондалі на лыжцы аліўкавай алеі. Бурачкі і яблык памыем, абярэм, парэжам кубікамі 1–2 см. Кавалачкі закінем у рондаль да засмажанага ды заліем кіпнем. Гатаваць будзем, пакуль бурачкі не стануць мяккія. Потым пасолім, выціснем сок з паловы (для аматараў – з цэлай) цытрыны. Цяпер толькі блэндар, і кавалкі стануць аксамітным крэмам. Падаваць з пялёсткамі мігдала і лыжкай сырка ці ёгурту. Смачна есці!