САЛАТА З КВЯЦІСТАЙ КАПУСТЫ І ЛЕТА
коўшык 126
ПОЎНАЯ МІСКА ВІТАМІНАЎ
ПОЎНАЯ МІСКА ВІТАМІНАЎ
Лета.
Спёка. Лянота. Гэты вельмі просты рэцэпт
нарадзіўся з абсалютнага нежадання
нешта гатаваць і самых простых летніх
прадуктаў. Нават заахвочваць вас не
буду. Ведаю, што вам лянотна таксама
як мне.
патрэбна для адной галоднай асобы:
2-3 ружачкі квяцістай капусты
жменя жоўтай фасолі
яйка
палова памідора
гурок
крыху цыбулі
соль
перац
аліўкавы алей
зеляніна
У
рондлі варым разам капусту, фасоль і
яйка. 5 хвілінаў кіпіць і выключаем. Так
гародніна будзе яшчэ пругкай і
хрусткай, а яйка паспее зварыцца. Капусту
і фасоль кроім
на меншыя кавалачкі.
Кроім лустамі гурок, цыбульку і
памідор. Выкладваем усё ў міску, солім,
перчым, крыху паліваем аліўкавым алеем
і перамешваем. Зверху выкладваем яйка
і пасыпаем зелянінай. Гатова! Смачнай
вам ляноты)
Comments
Post a Comment